bs blutooth

البلوتوث Bluetooth

بقــــــلم كزانــوفا .. (ممنوع اللطش لمنتديات أخــــرى الا بموافقة خطية
ورقم حسابي بسويسرا 666777 )

مــــرحبا بكم يا أعــز النـــاس على قلبي

كنت متضايق لأسباب متعددة ..
وماتسالوني عن الاسباب ..كل واحد منا عندو همــو ..
صديقاتي واصدقائي صارلون عدة ايام عم يطالبوني بموضوع جديد..
بدون ذكر أسماء .. قلت مافي غير موضوع البليتوث يلي عامل مشاكل
أعمل موضوع عنو ويكون قنبلة الموسم

موضوع جديد خطر عابالي .. وأنا عم سوق سيارتي ..
فتحت اذاعة مونتيكارلو منيلي بتبث من موناكو بفرنسا سمعت:
( مقتل 75 عراقيا بأنفجار ).. قلت يالطيف شو هالصباح!!

حولت عا ازاعة لبنان الحر سمعت:
( الاقتصاد اللبناني يتحول من 6% نمو الى 7% عجز منذ حرب تموز )
قلت في بالي كتر خيركن عا هيدي الخبرية الحلوة عند عبكرا
حولت عا صوت أميركا لقيت قتل بدارفور .. لاحول الله
بالغلط مرءت عا أزاعة ال BBC سمعت الأمن المركزي المصري دعوسوا متظاهرين بمصر..
سكرت الراديو .. وحطيت CD أهدتني ياة صديقة بس مارح خبركم شو هي الغنية

قلت ياكزكز روح اقعدلك بالجراند كافيية بكورنيش الروشة أشربلك ارجيلة عا ورد وكحل عيونك
بمنظر صخرة الروشة وبحر بيروت وسمكاتو
أتصلت بقيصر لبنان ليجي معي لقيتو مشغول بكزينو لبنان وبيحضر منولوج لباسم فغالي

وصلت صف سيارات طويل عريض من ال BMW مرورا بالمرسيدس الفياجرا ووصولا الى الكديلاك
والأكس فايف والقايمة تطول .. ماعلينا .. القصد استقبلوني الشباب أحلى استقبال ..
وجلست واخرجت سيجارا كوبيا متل باقي .. ياعين كوكتيل اجهزة ..

ماطول عليكن .. نزلت المازة من حمص لبناني متعوب علية وبابا معوووج ..
والفتوش واللبن بالخيار ..
وخصوصي اللبن بالخيار هون إلو شعبية كتير كبيرة هون

وماهي الا ثواني وبلش الشغل يامعلم !! شو صار رح احكيلكن
وصلني بليتوت عا خط السعودية الدولي

البيلوتوث الاول المرسل) : سويت بيروت
كبسنا عا (موافق عا استقبال البليتوث ) وشو وصلني .. بدك تعرفوا
طيب رح خبركن وصلتني من السويت صورة مكتوب عليها




( بدي قلك مرحبا)

البليتوث الثاني : من SWEETY .. كبسنا عا موافق
وتتضمن رسالة حب .. حبك مانو بكيفي .. حب انكتب عا جبيني
صدك يهدك .. وروحي تناديلك يا أعز من روحي )) .. ياعين !!



البليتوث الثالث : (( ممكن نتعرف على بعضنا .. ياعســل !! )) ..



البليتوث الرابع: (( الحياة ملل وضيق وهم وتعب بدونك ياصاحبي ))


وخد عندك عا الأسماء المضحكة لأسماء اجهزة البليتوث :

- بتخسر أزا مابتتعرف
- كارلا المشوبييييي
- ابو شوشه ملك الشقق المفروشه
- engima under the sky
- سخنّا الديك .. وأنقطشت الماي
- شربت بايسون وبكسرو لتايسون
- منسم بس مرسم
- teacher Arabic !!
- جو رومانسي وأحلى من نانسي
- أستاذ أبليس الخاص
- شارب كولا مشبك حولا
- سكران بيفتش عا حمامتو
- حمارة حبيبي !!
- زوجي بيقلي ماتحكي شاب
- صوت طقطقه بقلبي وأنت القاتل
- ابو فتفوت بدو توت
- ألتفتلي يمين أنا عا اليسار
- عيش حياتك وفلها وربك يحلها
- خليك كـول على طـول
- غـــزال لبنـــــــان
- أحلاهم وبأتحداهم
- نفر كويس
- يد بيد لنضع للتماسيح حد
- محـشـش فـايف ســتــار
- مغـرور بس معـذور
- دايخ في زمن بايخ
- أزعــر بس أبن اوادم
- ون يير تو ييرز نو تيرز نو ووتر
- خيو للوليد بن طلال من الرضاعة
- بحب الاناناس وبعزب قلوب الناس
- شباب العز ذليتون برمشي
- فشــفاشة محتاسة
شي عنجد بيضحك ههههههههه


شخص قاعد حدي ومبين علية ثري خليجي من التقيل غمز لوحدة بنت امورة وبدقيقتين
كانت قاعدة حدو عا الطاولة وتحية إلها جاط كبير فواكه من كل صنف ولون تحية
من الشيخ لجناب الحلوة .. أكيد الكرم العربي بهيدي الشغلات بياخد حدو ..
المهم دار الحوار التالي..

الحلوة: مرسي ياشيخ شو مزوووء كتير
الشيخ: الحلو مايتثاقل بالجواهر عندنا
الحلوة: مبين عليك رومانسي كتير ..
الشيخ: انشكح طبعا من هالمجاملة هيدي واعتدل بجلستو قائلا
احب الشعر والكلام الرومانسي خصوصا ازا جلست معي امورة ملهمة لي متلك
وازا بضحكة من الامورة تجلجل وتخترق طبلة أذني بقسوة هاهاهاها كسينفونية لموزارت
الحلوة: بتحب مين من الشعراء الرومانسيين ياقلبي
الشيخ: وقد احرج من السؤال - أحب شعر المتنبي .. وااااااااااا .... واااااااااااا .. أحمد فؤاد نجم
الحلوة: بس احمد نجم ياشيخ شاعر مش رومانسي ابدا .. هيدا شاعر الحشاشين بردون
الشيخ: بضحكة مسطنعة اية اية بعرف بس شعرو رومانسي عا تحشيشي مميز بحبو كتير
الحلوة: سكتت ويبدو انو مرقتها للشيخ كرمال عين تكرم مرج عيون هههههه
وعادت الصبية الحلوة وشو رايك بنزار قباني مناصر المرأة وحريتها
الشيخ: طبعا طبعا احبة موت واي جديد لة بروح اشترية لة من السوق فورا..
( عجبا يبدو ان الشيخ مابيعرف انو مسيو نزار توفى الى رحمة الله ودابت الطوبة
يلي تحت تابوتو من زمان) يعني بين ليلة وضحاها تحول الشيخ من متسلط على النساء الى
داعم لحرية المرأة .. كنت بدي اسألو طيب لو كنت مؤمن بهيدا الحكي عنجد لية ماضهرت مع
المدام والعيلة كلكن سوا بدل ما قاعد تبصبص عا النسوان ؟؟ ماعلينا نرجع للحوار
الحلوة: بتحب شعر ايليا ابو ماضي؟؟
الشيخ: اية احب شعرها كثير لهذي المخلوقة

(ضحكت بقلبي وقلت LOOOOL الشيخ مانو عارف ازا ايلي ابوماضي رجال او ست
والله مصيبة واخيرا يبدو ان الحلوة عرفت ان الشيخ علاقتو بالرومانسية متل علاقة
الخيار بالمحشي
وبلا مانحكيلكن بقية الحوار حفاظا على الأمن العام للمنتدى ..
((وساعتها شو يلي بيخلصنا من لسان لولو وحسام وأمل ))

مع الاسف متل هيدا الحدث يتكرر يوميا بسيناريوهات مختلفة في اماكن مختلفة من
وطننا العربي الكبير ..
ويلي بدي قولو ان التكنولوجيا هيدي سلاح ذو حدين اما نافع مفيد للإنسان
أو مدمر ازا اسيء أستخدامة من بعض الجهلاء !!

وتعو خلونا نتعرف عا هيدي التكنولوجيا الحديثة المسماة .. بالبلتووووث :
تكنولوجيا الاتصال (بلوتوث) اللاسلكية هي مواصفات عالمية لربط كافة الاجهزة
المحمولة مع بعضها البعض مثل الكمبيوتر والهاتف النقال والكمبيوتر الجيبي والاجهزة
السمعية والكاميرات الرقمية.
بحيث تتمكن هذه الاجهزة من تبادل البيانات ونقل الملفات بينها وبين شبكة الانترنت لاسلكياً.
تم تطوير تكنولوجيا الاتصال اللاسلكي البلوتوث بواسطة مجموعة من المهتمين يطلق عليهم اسم
Bluetooth Special Interest Group GIS

ومن اهم اهدافها نقل الثقافة والبرامج العلمية والرسومات الهندسية بين الواقع المختلفة بأرخص
تكلفة وأقل مجهود وكذلك اتصال الأطباء بغرف العمليات بالمستشفيات الكبرى بأميركا وكندا
وأوروبا عن طريق اجهزة ال لابتوب النقال بواسطة بليتوث الخليوي او الاشعة تحت الحمراء ..


لكن عندي سؤال لكم ايها العرب:

- هل فعلا انتم تستفيدون معظمكم من هذه التكنولوجيا متل مالازم لتطور مجتمعكم
أم انكم تستخدمو الجانب السلبي منها فقط ؟؟
و هل عقولنا سهلة الإختراق الى هذا الحــد ؟ !!
وإذا فعلا عم تستخدمو الجانب السلبي منها بالمعاكسات والغزل والجقل وغيرو
الم يحن الأوان لتصححوا هذه الصورة في اذهانكم وتعودوا الى الطريق الصحيح
لتفيدوا أنفسكم وتفيدوا مجتمعاتكم ..
أنــو القصة هاي بدا توعية أكتر من المنـــع !!

ســــــــــؤال أرجو أن تجيبون عنــه بينكم وبين أنفسكم بكل أمانة ..
وإزا مابدكن عارياحتكن ماصار شي ..وكسبنا شوفتكن ..

وارجو ان لا أكون أثقلت عليكم برسالتي هيدي التي ارسلتها إليكم بواسطة نظام ( البليتوث )

بالمناسبة أنا أسم البليتوث الخاص بي
( أرسل حلو بتستقبل أحلى )

أنا بعتلكن رسالة بيليتوت مفيدة ومهضومة .. وبدي شوف كل واحد شو بدو يبعتلي بالمقابل


ونــــــــاطر منكم أجمل رسائل البليتوث بكل ألــوانهـــــــا ..

وياريت كل عضو يكتب شو أسم جهازو البليتوث

الــــــى اللقــــــــــــــاء ..



تحياااتي لعيونكم

شكرا منير

thanxx mnerr