على سطح القمر

كنت جالسه مع جماعه المهبل وكل واحد معتبر نفسه يسولف والسوالف كلها هبال بهبال

واولهم الباش مهندس مصلح(الزين يفرض هباله)>>>بتتصفق!!

ومساعد معه يعين ويعاون <-حبيب قلبه ورفيق دربه وانيس روحه >>>>خخخخ بس عاد لا يكثر!!

وبعد كبدي فرفورة ونوفيختي روح الغلا الدبا اليما حسيت راسي يفتر من كثر الكذب والهبال والضحك وعيوني

تعبت من كثر ما تدمع ضحكا!!

واصرخ فيهم ذيك الصرخه اللي خلت سابع جار يفزع من الخوف ويسكت!!<--صدقت امي يوم قالت اني

صفارة انذار!!

والكل صخ وسكت00

وابتسمت ابتسامة نصر!!

روح: قومو نطلع ناخذ عسكريم من باسكن روبنز ونروح الحكير والكورنيش ولا دزني لاند مكسينه تسمع

بدزني عبالها من معالم السعوديه!!

رفيعه: بالله ابلعي لسانك لا اهفك كف تدورين على طقم اسنانك تلقينه بفم مصلح!!

فرفورة: ولا يهمك روح 00 شرايك نروح السوق!!

مساعد: ايه صح00 انتم يالبونيات<-لا تشرهون!! العتب على من علمه لغه عربيه!!

تعيفون الغداء وما تعيفون السوق00!!<--والله اعلم بالنوايا هو ما ايد فرفورة الا لانه يبي يروح السوق يرقم له كم مسكينه!!

رفيعه: لا هذا ولا ذاك!!


مصلح: بالله يارفيعه سيبك منهم00

مع باش مهندس مصلح مافيش طفش


معايا انا اولي لا طفش بعد اليوم>>>الأخ قلب مصري وشامبو جونسون للأطفال!!


رحله قمريه مافيش زيها في الدونيا كولها!!


رفيعه: وشنو تطلع هذي؟؟

مصلح: رحلة لسطح القمر00

ما استوعبت الكلام الا وروح الغلا ناطه بالنص: وانتو تلقون قمر مثلي00!!<>>>ما تدري وين ربي رماها

وما تشوف الا هذاك الكف الطاير يجي على خدها ويصير كانه رغيف توهم طلعوه من الفرن!! وتدمع عينها وتسكت

عاد تلومت منها 00 وانا معصبه من تصرف مصلح00 وكسرت خاطري وتسامحت منها نيابه!!

وما تقدر تردني وضحكت وبان بياض اسنانها!!<-دعايه كرست!!

وارد ادور لمصلح: ها اتحفنا على وين بتاخذنا ؟

مصلح: بلاك صرتِ طرمه ما تفهمين

قلت بآخذكم في رحلة استطلاعيه للقمر!!

انا للحين في حاله دهشة!!

والله رد علي مصلح والله!!

يالله البسن بسرعه قبل لا أتراجع وأخون فيكم تراكم عارفيني نذل واسويها>>>الاعتراف بالحق..!!

وما تشوفون الا غبارنا انا وفرفر وروح ونلبس العبي والبراقع دقيقه ولا حنا عند الباب00

مصلح: عدنا وجهزنا متى الاقلاع!!

مصلح: ماشاء الله مسرع ما تلبسن يالله مانبي نتأخر نبي نرجع بدري قبل المغرب لاجل اذا صار الليل وطلع

القمر محد يشوفنا!!

فرفورة: بس الحين عند أمريكا ليل يعني بيشوفونا!!

روح: اخاف يخقون علينا<<-- ماكله بنفسها مقلب!!

مصلح: بتمشون ولا اسطركم <عصب!!

واسحب الصبايا ونطلع يحليله مساعد جهز لنا الصاروخ وتولى مهمة القيادة نحو القمر


وحنا بدربنا للقمر روح دايخه لأنها ما تتحمل المشاوير!!

وفرفورة نايمه!!

والمسكين مصلح يشرح ويوصف وانا أصور ولا ادري عن فلسفته اليما مل وسكت!!

وعلى بركه الله ما حسينا الا والصاروخ وقف!!

ويصفر الربان مساعد ويأشر لنا بالنزول

اول من نزل هو مهندسنا مصلح وصحيت فرفر وروح اللي كان راسها يفتر كالكرة الا رضيه!!

ووزع علينا مسيعيد كمامات الأوكسجين>>>خبركم الأكسجين غير متوفر على سطح القمر!!

وفرفورة فضحتنا ما كانت راضيه تحطه لأنها كانت حاطه ديرمه سحريه وخافت انها تروح<-بالله هذي لو شنو

يصير ما تروح صدق من سماها سحريه!!

قالت يمكن تشوف لها فضائي مزيون ينقذها من العنوسه والانضمام الا شركه عوانس كووو مستقبلا!!

واسطرها ويرفسها مصلح وتمسكها روح ويركب لها مساعد الأوكسجين قبل لا تختنق وتموت

وتبداء رحلتنا القمريه!!

ونمشي مع مصلح وهو يشرح بكل ثقة واحنا ومساعد من خلفه 00 ومتابعين له!!

ولا نشوف الا الرجال بهذيك الشخصيه الرزة ولشماغ الحمر والعقال الاسود<-واحد قال وردي!!

تخرطف بصخرة ما انتبه لها لانه يمشي بكل ثقة ورافع راسه فوق ويهوي ارضاً>>>متعوب عليها!!

ويركض مساعد ويشيله وينظفه لا تخترب التشخيصه!!

ولا نشوف الا بقعه سواد وشي اسود يمشي تحته مثل السيل !!

فرفورة: يما حيا لحقو علي ما ابي أموت على القمر ردوني الارض يما يبا اخوي لحقوني>>>مساعد

جب ولا كلمه فضحتينا بين العرب يالخبلة هذا مو حيا شوفي شي مثل الماي بس اسود

روح: يمكن نهر البيبسي اللي عطونا اياه بالجغرافيه!!

رفيعه: وفي أي منهج هذا بالله!!

روح مدري اسألي تخصص الجغرافيا انا تخصصي غير كذا

رفيعه : بالله انطمي بس وابلعي لسانك

وتجي رفيعه وتقرب وتصرخ لحقو علي ويركضن الشباب والبنات ناحيتها وكلهم بصوت واحد خير عسى

ماشر؟

رفيعه: بترووووووووووووووووووووووول!!

لقينا بترول!!

مصلح: قولي والله

ابعدي خل اشوف

رفيعه: هذا هو قدامك شوفه وافحصه زين ياباش مهندسنا!

ويروح مصلح ويشوفه ويصرخ بترووووووووووووووووووووول

وظل يتنطط من الفرحه مثل هايدي حينما تتنطط على المروج الخضراء<-مدري وين سمعتها!!

والدنيا مو ساعيته مساعد: بهالمناسبه انا اعزمكم على اقرب مطعم

البنات: هي هي يحيا مساعد>>>>ورعان!!

ونروح هذاك المطعم الايطالي على شاطئ القمر

وما شاء الله عندهم خدمه راقيه

وتجينا صاحبة المطعم ترحب فينا

الا وروح تقول يا بنت وجهك مو غريب وملامحك مالوفه

شسمك؟

البنت ولو انا صديقتكم بغرام انثى الخيال ما عرفتوني؟


وينطون عليها البنات ويسلمن عليها


يا هو عليها جمال وه بس!!

وفلسنا مساعد من الطلبات حتى تسلف من مصلح 3 ريال زود لاجل يكمل المبلغ

بس انثى خوش بنت ما رضت تاخذ الحساب وحسبتها عزيمة على حسابها

ومصلح مرتبش يبي يرد

ومابقى وقت عالمغرب

طلعنا من المطلعم بعد ما ودعنا انثى ووعدتنا باقرب وقت تزورنا عالارض

ونصعد صاروخنا الاصفر>>>ويشغل لنا مساعد اغنية التاكسي ومصلح يرقص ومسوي عرضه!!

ونرد لبلاد ويروح زيون وزارة التربيه والتعليم>>>>خبطت!!

وبلغ انه لقى بترول


وتمت ترقيته من مهندس وصار وزير البحث والاستكشافات>>>مدري عنها خطرت في بالي كذا!!

وصاروا من أغنى المواطنين




الفوائد: حطو كل اللي يعجبكم على حساب مصلح ومساعد>>>ورطتهم!!

وسلامتكم

ههههه